ശ്രീലക വാതില്‍ തുറന്നു

ശ്രീ ദേവി ഉണര്‍ന്നു

സ്മിത മുഖി അമ്മയുടെ

തിരു ദര്‍ശനതിനായ്

ശത കോടി ശരണം വിളി ഉയര്‍ന്നു

കുംഭ ഭരണി നാളില്‍

നിറ കുംഭ ഘോഷമായി

കുംകുമ മഴ പെയ്തു നടയില്‍

ചന്ദന ഗന്ധം ഉയര്‍ന്നു

നിണ നിറ മാല്യം  അണിഞ്ഞ

ദാരുക നിഗ്രഹ രൂപിയെ

തൊഴു കൈയ്യോടെ വണങ്ങി

നിര്‍വൃതിയോടെ  മടങ്ങി

ഭൂമിവന്ദനം

മാസമറിയില്ല ദിവസമറിയില്ല

രാത്രിതന്നെയെന്നുറപ്പ്

അതിലന്ത്യയാമമെന്‍ആദ്യയാമമായ്!

അവതാര മെന്തിനെന്നറിയാതെ

അമ്മതന്‍ നോവിലും നോവേല്‍ക്കാതെ

ഭൂമി തന്‍ ദേവി ഏറ്റുവാങ്ങി

വേറിട്ട്‌ പോയതിന്‍ പകപ്പ്

അരക്ഷിതമായ പിടപ്പ്

ഗര്‍ഭ പാത്രം തന്ന രക്ഷ

കല്‍ ഭിത്തി നല്കില്ലന്നുറപ്പ്

അമ്മതന്‍ നെഞ്ചോട്‌ ചേര്‍ന്ന്

അമ്മിഞ്ഞഞ്ഞെട്ടിന്‍ രുചി അറിഞ്ഞ്‌

അന്തരമെന്തന്നറി യാതെ

അത്മരോഷത്തിന്‍ പകര്‍പ്പായ്

ആദ്യ വിലപത്തിന്‍ ഒഴുക്ക്

പോറ്റമ്മയായ്ധരണി വീണ്ടും !!

ശത്രുവോ മിത്രമോ യീ  ജന്മം

അറിയില്ലതാര്‍ക്കും ? 

                              ഹരികൃഷ്ണന്‍